Pembroke 25 sermon42

et enarrate omnia mirabilia eius . Et iterum . Grandis Honor est eis

quibus ipse dixit . Ascendo ad patrem meum et patrem uestrum . deum meum

et deum uestrum . Et cum hęc dixisset uidentibus illis eleuatus est in nu

be clara . et ipse quidem expansis manibus ferebatur in cęlis . et –

benedicebat eis dicens . Pax uobis . et nubs suscepit eium ab eorum

oculis intuentibus illis aera . Ecce ubique creatura creatori suo

prestat obsequium . Astra indicant nascentem patientem obnu

bunt . Recipiunt nubes ascendentem . et redeuntem ad iudi

cium comitabuntur . Cumque intuerentur in cęlum . ecce duo

uiri stetere amicti ueste clara iuxta illos dicentes . Quid

admiramini caelorum alta? iesus enim hic qui assumptus est . a uobis

ad patris dexteram . Vt ascendit ita ueniet . id est . in eadem

forma carnis atque substantia ueniet iudicaturus . in qua

uenerat iudicandus . Illi autem una uoce clamabant dicentes .

Ó rex glorię domine uirtutum . qui triumphatur hodie super omnes

cęlos ascendisti . ne derelinquas nos orphanos . sed mitte pro

missum patris in nos spiritum ueritatis . ut semper nobiscum maneat

in aeternum . et tecum uitam habeamus aeterna . per infinita secula seculorum . amen .

.xlii. ITEM ALIA . IN EODEM DIE .

GLoriari nos oportet

semper fratres karissimi et gaudere . quia dominus ác redemptor noster post

redemptionem humani generis et diaboli triumphum . Hodie

cum magna uictoria ad cęlos ascendisse legimus . et ad pa

tris dexteram in magna lętitia . cum substantia carnis

qua nos redimere dignatus est sedisse . Credimus etiam

inde illum uenire in gloria maiestatis suę cum angelis

et archangelis . iudicare omnes homines . iustos et peccatores .

et tunc reddet unicuique secundum opera sua . Illud quoque scire et