Pembroke 25 sermon41

Crimina indulgeat . reo et peccatores ab omni uinculo peccatorum

absoluat . Omnes iniquitates deponat . fidem rectam confirmet .

spem certam fideliter sperare faciat . Iustitiam amplificet . castita

tem mentis et corporis concedat . Omniumque bonorum operum in nobis

uirtutem inmittat . Supra haec autem omnia caritatem perfectam

in cordibus nostris perfundat . Prestante domino nostro iesu christo . qui cum

eo et spiritu sancto uiuit et regnat . per infinita secula seculorum Amen .

.xl. OMELIA . IN ASCENSIONE DOMINI .

.i. UOcem iocunditatis ác dulcedinis de resurrectione domini

ac uictoria christi annuntiate fratres karissimi in medio catholici

apostoli et usque ad extremum terrę dicite . quia liberauit dominus po-

pulum suum a peccatis eorum . et de captiuitate qua per inuidiam

diaboli tenebantur captiui in tenebris et in umbra mortis .

sicut propheta dicit . Eduxit dominus populum suum in exultatione .

et electos suos in lętitia . Cantate igitur domino canticum nouum .

eodem propHeta dicente . quia mirabilia fecit . .ii. Mirabilia

quidem christus fecit . quando ab inferis uictor resurrexit . descen

dere enim prius dignatus fuerat de sede patris . qui in cęlo cum patre

coaeuus et coaequalis fulgebat . Et tamen homo factus est

per misericordiam nostrę salutis causa . Natus enim ex maria uirgi

ne . pannis inuolutus . In presepio positus . in carne circum

cisus . a ioHanne in iordane baptizatus . a diabolo in deserto

temptatus . a iudeis persecutus . ab ipsis etiam comprehensus . et ad

extremum flagellatus atque crucifixus . mortuus et sepultus est .

et ad inferna descendit . Et postea tertia die de sepulchro

uiuus surrexit . .iii. Deinde per quadraginta dies suis precepit

discipulis . quę facere deberent et docere . Quibus et prebuit

seipsum uiuum post passionem suam . in multis argumentis