7r

intrauit artifex mundi . et qui terra mari caelóque non capitur ;

intra unius uirginis membra concluditur . et ab infirmitate

benigne portatur . Post haec autem exsurgens maria . uenit

cum festinatione in ciuitatem iuda . et intrauit in domum zacharię .

et salutauit elisabeth . Et factum est ut audiuit salutationem

marię elisabeth . exultauit infans in utero eius . Et repleta

elisabeth spiritu sancto . exclamauit uoce magna et dixit . Benedicta

tu inter mulieres . et benedictus fructus uentris tui . Ecce enim

ut facta est uox salutationis tuae in auribus meis . exultauit

in gaudio infans in utero meo . Beata es uirgo maria . quoniam

perficientur in te quę dicta sunt tibi a domino . Et ait maria gaudens .

Magnificabo igitur dominum meum . et spiritus meus exultauit in deo salu

tari meo . quia respexit humilitatem meam . et inter omnes exal

tare me dignatus est nationes . Gaudere igitur nos oportet

cum maria fratres karissimi . et ornari ad aduentum domini saluatoris mundi .

.ix. Laetemur ergo et excitemus corda nostra . ad pręparandas

unigeniti dei uias . pręparemus nosmetipsos fortiter . per christi ad

iutorium . Ab omni luxuria carnis abstinentes . et bonis operibus

fulgentes . ut simus castitate nitidi . caritate splendidi . eli

mosinis mundati . simplicitatis gemmis . et sobrietatis floribus

adornata . ad solemnitatem regis aeterni . Ut haec autem omnia

implere ualeatis fratres karissimi . iracundiam odium et inuidiam .

cum omni malitia . de cordibus uestris tamquam uenenum respuere

debetis . et castitatem plurimis diebus ante solemnitatem . etiam

cum propriis uxoribus conseruare . Ad uigilias uespertinales uel

matutinales conuenire . et in templo dei cum humilitate et si

lentio uenire . et in aecclesia stantes orare . Aut psallere nomi

ni domini altissimi . Verba otiosa aut secularia ex ore non proferre .