73r

deo crediderunt et eum adorauerunt . Iste autem non uidit

saluatorem super thronum regalem . non adorari in templum .

non loquentem de caelis . sed in poena sibi coniunctum

quasi latronem . et tamen rogauit eum quasi regem in

caelis sedentem . et per fidem . omnium uocauit dominum dicens .

Domine . memento mei dum ueneris in regnum tuum . et ideo

credendo uerum regem eum esse . meruit ante tales uiros

audire uocem eius sibi loquentem . Amen dico tibi hodie

mecum possidebis regnum . Nemo ergo dubitet fratres

karissimi a deo multa petere . quia plus solet tribuere

quam rogatur . sicut apostolos ait . quia nec oculos uidit .

nec auris audiuit . nec in cor hominis ascendit . quanta

et qualia sunt quę preparauit deus . eum uere adorantibus

et diligentibus se in uera caritate . Haec nobis in cęlesti-

bus prestare dignetur saluator mundi . qui cum patre

et spiritu sancto uiuit et regnat per infinita secula seculorum amen .

.xxx. ITEM ALIA .

PARASCEVEN . id . est .vita. dies sabbati que preparatio

interpretatur . eo quod omnia que in sabbato necessa-

ria sunt in illa preparantur . Ideo in solemnitate ha-

betur et colitur . quia in eo die christus mysterium crucis

expleuit . propter quod uenerat in hunc mundum . ut quia

ligno uetito percussi fueramus in adam . rursus

per ligni misterium sanaremur a christo . Huius enim

causa triumphi . humana possibilitas christo per omnem

mundum caelebritatem annuam prebet . pro eo quod

dignatus est sanguine passionis suę seculum redimere .

et peccatum mundi per crucem morte deuicta absoluere .