66r

-plete aquas maris . auesque multiplicentur super terram .

Sexto bestias iumenta . et omne quod repit super terram

in genere suo . Nouissime hominem primum adam dicens .

faciamus hominem ad imaginem et similitudinem nostram .

Id est in aeternitate et moribus . et presit his omnibus . Ác si

dixisset . Ideo dominetur his omnibus creaturis uisibi-

libus . Id est piscibus maris et uolatilibus cęli et uniuersis

animantibus quę mouentur super terram . quia non ipse propter

illa . sed ipsa propter hominem facta sunt . .iiii. Igitur perfecti sunt

cęli et terra . et omnis ornatus eorum . Plantauit quoque dominus

deus locum apulentissimum suauissimum que in oriente .

Qui ebraicae eden . grece pararadysus dicitur et latine ortus

deliciarum interpraetatur . In cuius medio fons magnus exo

ritur . De quo flumina quattuor mundi principalia

emanant . Id est geon . fison . tigris . eufrates . Tulit

ergo dominus deus hominem et posuit eum in paradysum . ut

operaretur et custodiret illum . Operabatur quidem in pa-

radyso . non pro necessitate sed pro diliciosa uoluntate .

Et custodiebat sibi ipsi paradysum . Né eum peccando

ammitteret . Dixit quoque dominus deus . Non est bonum esse

hominem solum . faciamus ei adiutorium simile sui . .v. Inmi-

sit ergo dominus soporem in adam . cumque obdormisset tulit

unam de costis eius et repleuit carnem pro ea . et edificauit

costam quam tulerat de adam in mulierem . et adduxit

eam ad adam ut uideret quid uocaret eam . Prophetauitque

adam dicens . Hoc nunc os ex ossibus meis . et caro de

carne mea . Hęc uocabitur uirago . quia de uiro assump-

ta est . quamobrem relinquet homo patrem suum et matrem .