63r

fessione . Deferamus igitur munera regi nostro . Id est uiam

in cordibus nostris . Omnigeni`s´ floribus Id est ex operibus iustitię

ornatam christo domino hierosolymam adeunti preparemus .

qui cotidie per sanctos suos ad mundi finem festinat . Ubi

caelestis hierusalem facie ad faciem quibusque electis presentabitur .

Non illa quę modo ex ligneis et lapideis fabricis condita est ;

Sed illa de qua dicitur . hierusalem quæ edificatur ut ciuitas .

quę lapidibus uiuis id est ex clarissimis sanctorum spiritibus

construitur ipsa est ciuitas de qua dicitur . et templum non uidi

in ea . Dominus enim deus omnipotens templum illius est et agnus . Nec aliud

est ciuitas quam requies sempiterna sanctorum . Quorum ipse deus unica

domus . lux et requies . Victus et uestitus . honor et gloria .

Pax et corona est . et postea non esurient neque sitient .

Et absterget deus omnem lacrimam ab oculis eorum . Et ipsa

ciuitas non eget sole neque luna . Sed dominus qui est sol iusti-

tię illuminabit eam . Et porte eius non claudentur per diem .

nox enim non erit illis . Non enim iam ibi dicitur . Vigilate .

sed potius uacate et uidete quoniam ego sum dominus . Nec intrabit

in ea aliquid coinquinatum . Quia iam malis de medio

segregatis . soli cum christo boni regnabunt . Et ipsa est terra

de qua dicitur . Credo uidere bona domini . et item . Propterea

in terra sua duplicia possidebunt . Vbi nemo intrans

ultra moritur . Mors enim non erit illic . Dolor et gemitus

excluduntur . Nullus ibi egritudine aut senectute

pregrauatur . Sed conuiuit cum angelis semper lętus numquam

tristis . Vbi lux permanet . Et uita regnat sancta trinitas .

AMEN ;

.xxviii. OMELIA IN CAENA DOMINI .