Pembroke 25 sermo1

et non tardabit . et illuminabit abscondita tenebrarum et ma

nifestabit se ad omnes gentes . Et iterum . Qui uenturus est ueniet

et non tardabit . Iam non erit timor in finibus nostris quoniam ipse est

saluator noster . Et alio loco dicitur . Prope est ut ueniat tempus eius .

et dies eius non elongabuntur . Miserebitur dominus iacob . et israel salua

bitur . Et iterum . Ecce ueniet dominus et omnes sancti eius cum eo . et erit in

die illa lux magna . Sicut de illo alibi scriptum est . Ecce nomen

domini uenit de longinquo . et claritas eius replet orbem terrarum .

De quo iterum propheta dicit . Aspiciens a longe . ecce uideo dei

potentiam uenientem . et nebulam totam terram tegentem . Ite

obuiam ei et dicite . nuntia nobis si tu es ipse . qui regnaturus

es in populo israel . Quod plenius alius propheta reuelat dicens .

Aspiciebam in uisu noctis . et ecce in nubibus caeli filius hominis

uenit . et datum est ei regnum et honor . et omnis populus . tribus . et lin

gue . seruient ei . Sicut psalmista explanat dicens . Omnes

gentes quascumque fecisti uenient . et adorabunt coram te

domine et glorificabunt nomen tuum ín ęternum . Hoc idem per eundem

prophetam spiritus sanctus hortatur et ammonet dicens . Iuuenes et uir-

gines . senes cum iunioribus laudent nomen domini . quia exaltatum

est nomen eius solius . quod est mirabile in caelo et in terra . Ecce

nunc tempus adest fratres karissimi . in quo nos omnes unanimiter oportet

laudare nomen dei et gaudere in domino . paulo apostolo dicente .

Gaudete in domino semper . Iterum dico gaudete . Modestia uestra

nota sit omnibus hominibus . dominus enim prope est . Sobrie ergo

et iuste . pie et caste . uiuere debemus ; Scientes . quia hora est

iam nos de pigritiae somno surgere . et ad uigilandi soller

tiam conuenire . Dum expectamus beatam spem et aduentum nostri

dei et saluatoris mundi . Non in commesationibus et ebrietatibus