48r

sed qui perseuerauerit in bono hic saluus erit . Tunc

enim placet deo nostra conuersatio . quando bonum

quod inchoamus perseueranti fine complebimus .

Bonum ergo non coepisse . sed perfecisse uirtus est .

Non inchoantibus enim premium promittitur . sed perseue-

rantibus datur . Ideo unusquisque instantissime bona

quę coepit perficere contendat . ut perpetuam a domino

mereatur mercedem accipere in caelestibus . Prestan

te domino nostro iesu christo . qui cum patre et spiritu sancto uiuit

et regnat in secula seculorum . amen .

.xxiiii. OMELIA . IN DOMINICA .iiii. IN QUADRAGESIMA .

Qvicumque uult saluus esse . ante omnia opus est .

ut teneat catholicam fidem . Quam nisi quisque

integram inuiolatamque seruauerit . absque du-

bio in aeternam peribit . Fides autem catholica hęc

est . ut unum deum in trinitate . et trinitatem in uni

tate ueneremur . Alia est enim persona patris . alia

filii . alia spiritus sancti . Sed patris et filii et spiritus sancti . una

est diuinitas aequalis gloria . coeterna maiestas .

Quia in hac trinitate . nichil prius aut posterius .

nichil maius aut minus . Sed tote tres persone

coaeterne sibi sunt . et coaequales . .i. Quicumque

ergo cupit saluus et catholicus esse . haec teneat

et credat . et uita uiuet . Sed tamen post hęc si ad

caelestę regnum desiderat peruenire . contra dia

boli insidias cotidie necesse est certare ; Paulo apostolo

dicente . Per multas tribulationes et temptationes .

oportet nos intrare in regnum cęlorum . Quia non sunt