21r

eris in paradiso . quibus certissime omnibus uera fides pro baptismo

erat . Isti sunt autem infantes qui lauerunt stolas suas et candidas

eas fecerunt in sanguine agni . et sequuntur agnum quocumque

ierit . Id est iesum christum filium dei per omnia regna caelorum sequuntur .

et canticum nouum canunt . Quod nemo cantare potest de

his qui cum mulieribus se miscuerunt . et nullus locus illis prohibetur

in regno dei . in quo non possent intrare . Obsecramus ergo

fratres karissimi . ut licet mentis coæquari illis non possumus . eorum inter

cessionibus in numero sanctorum consortes esse mereamur in regnis

caelestibus . Largiente domino nostro iesu christo . qui cum patre et spiritu

sancto uiuit et regnat . in secula seculorum . amen .

.xii. OMELIA IN CIRCUMCISIONE DOMINI .

.i. INtelligendum est fratres karissimi et exponendum omnibus noui testamenti

fidelibus . quod post consummationem octo dierum iesus circum

ciditur secundum legem moysi . et ibi compositum est illi nomen iesus ;

quod gabriel archangelus nuntiauit ad mariam uirginem . antequam

in utero conciperetur dicens . Aue maria gratia plena dominus

tecum . benedicta tu in mulieribus . Ecce concipies et paries

filium . et uocabit nomen eius iesum . Ideo secundum apostolum christus circum

ciditur ; Né legi dispar esset . ut est illud . Misit deus filium

suum natum ex muliere factum sub lege . Nobis autem exemplum

ostendit . ut nos in corde et corpore ab octo uitiis principa

libus mundati et purificati . illi soli seruiamus . et casti effecti .

.ii. Dominico digni iudicemur obtutu . Quicumque enim circum

cisi cordibus fuerint ; regnum dei intrabunt . Et post octo

dies a natiuitate illius ; uocatum est nomen eius iesus . Hoc quidem

significat . quia nomen uniuscuiusque octo uitia capitalia

uincentis . in libro uitae scribitur . Quod uocatum est ab angelo .