19r

quem cito elegisti . sed sero adsumpsisti . Quotiens te rogaui

ut ad te uenirem . et dixisti mihi . Expecta paululum . ut liberes

populum meum per te michi crediturum . Expectaui et tu custo

disti corpus meum ab omni pollutione . et non dereliquisti me

solum cum irem in exilium . Posuisti enim in ore meo uerbum

ueritatis tuæ . et scripsi ea opera que oculis meis uidi . et uerba

quæ ex ore tuo auribus meis audiui . Et nunc domine commendo

tibi filios tuo`s´ quos tibi per aquam et spiritum sanctum regeneraui . et me

suscipe . ut cum fratribus meis sim cum quibus me uisitare uenisti .

Aperi mihi ianuam uite . et principes tenebrarum non occur

rant michi . Et manus extranea numquam a te me sepa

ret . sed suscipe spiritum meum . et perduc me ad conuiuium epularum

tuarum . ubi epulantur omnes amici tui . Tu es enim christus filius

dei uiui . qui precepto patris `obediens´ mundum saluasti . qui spiritum sanctum tuum

nobis dedisti . et nos communiter per eundem spiritum tibi gratias

referimus . per infinita secula seculorum . Et cum omnis populis respon

disset amen . Lux tanta apparuit super apostolum per unam fere horam

resplendens . Ut nullus eam sufferre poterat . et signans

se totum astit dicens . tu mecum sis domine iesu christe . Et cum proiecit

se supra tumulum in quo strauerat uestimenta sua et dixit .

Pax uobiscum fratres . et omnes benedicens ác uale faciens depo

suit se uiuens adhuc in sepulchro suo . et iussit se operire

laudans et glorificans deum . Et statim in hac uoce reddidit

spiritum . Alii gaudebant . alii autem flebant . gaudebant . quia

tantum in illo cernebant gratiam . dolebant . quod tanti uiri

aspectu et presentiæ specie disi ungebantur . sed protinus

manna ex sepulchro eius deuenit . adorificans super omnes

ibi astantes . quam usque hodie locus ipse gignit in die natalis eius .