172r

christianus . est ; qui furtum non facit ; et qui falsum testimonium non

dicit ; qui nec mentitur . net periurat . et qui adulterium non committit .

qui ad ecclesiam frequentius uenit . et de fructibus suis numquam

gustat . nisi prius ex ipsis deo aliquid offerat ; et qui decimas annis

singulis uoluntarię reddit ; dicente domino per prophetam . Inferte

omnem decimam in orreis meis . ut sit cybus in domo mea . Et

iterum dicit . Primitias areae tuae et torcularis tui . non tardabere

offerre mihi . si tardabis dare peccatum est ; quantum peius est

non dedisse . Et iterum dicit . Honora dominum deum tuum de tuis iustis

laboribus . et deliba ei de fructibus iustitię tuae ; ut repleantur

horrea tua frumento . et uino torcularia tua impleantur .

Ille ergo christianissimus est . qui de omnibus fructibus terrae .

et de omni militia ; et de negotio . et de omni artificio suo red-

dit decimas deo . et sacerdotibus suis honorem impendit . et

omnes homines sicut semetipsum diligit . et in nullo homine

odium tenet . Ille uero non solum christianus . est . sed ipse christus in illo

semper habitat ; qui stateras dolosas et mensuras duplices . uelut

gladium diaboli pertimescit . Ille itaque bonus christianus est ; qui quando

ad aecclesiam uenerit ; et oblationes quę in altari pro se suisque

omnibus mittantur exhibet . et elemosinas pauperibus secundum uires

porrigit qui peregrinum in domum suam excipit . et qui hos-

pitibus pedes lauat . qui non solum lites non citat . sed etiam discor-

des ad concordiam reuocat . Qui et ipse caste uiuit ; et filios atque

uicinos docet ut caste et sobriae uiuant . et omnes uerbis am-

monet et exemplis docet . Ille bonus christianus est . qui assidue

sanctis solemnitatibus conuenit . et ut securus communicet ante

plures dies . castitatem etiam cum propria uxore custodit .