14r

Deus per angelum ad mariam protulit uerbum . et ipsa concepit filium .

Ó coniunctio sine macula facta . ubi maritus est sermo .

et uxor auricula . Talis ergo electa est uirgo de toto scili

cet mundo . quæ tantum haberet meritum . ut dei filium

in semet ipsa susciperet . et ante partum et in partu et post

partum . uirgo permaneret . Aue inquit angelus maria

gratia plena dominus tecum benedicta tu inter mulieres . quia

ecce concipies et paries filium . et uocabis nomen eius iesum .

ipse enim saluum faciet populum suum a peccatis eorum . Ác

si diceret . uirginitatis iura seruabis . filium habebis . et

nomen uirginis non amittes . Denuntiemus ergo salua

torem natum de uirgine . et infantem in presepio positum .

uigilantibus pastoribus ab angelis moniti adoremus .

Exhibeamus fidem uirtutibus . honorem sanctis testibus

prebeamus simeoni cognoscenti . et anne domino confitenti .

et iohanni baptizanti . et iordani baptismate eius purgato .

et spiritui sancto descendenti et manenti in eum . et celis apertis

secreta caelestia ei demonstrantibus . et patri desuper

testimonium perhibenti . et uirgini permanenti et stelle

fulgenti magis eum demonstranti . et columbe super eum descen

denti . et ipsi domino omnem temptationem satane superanti . Facta

est ergo maria hodie fenestra caeli . quia per ipsam deus uerum

demisit seculis lumen . Facta est etiam scala caelestis . quia per ipsam

deus descendit ad terras . Ait per ipsam homines mereantur

ad caelos ascendere . Ipsis autem licebit ascendere illuc .

quia deum crediderint ad terram per uirginem mariam descendisse .

Facta est ergo maria porta celi . facta est ianua filio

dei . filium generauit . non ammittens uirginitatem . regem