Pembroke 25 sermon61

fuerunt patriarche uiri religiosi ; atque gloriosi in uita sua .

Patres prophetarum et apostolorum quorum memoria

non derelinquetur . et nomen eorum manet in aeternum .

quia deo digni inuenti sunt . fide preclari . hospitalitate

precipui . Astuti in sensu . sapientes in opere . Créduli in pro

missionibus . susceptores angelorum effecti . Facie

ad faciem deum uidentes per dónum sancti spiritus . qui eos ad hęc

omnia illuminauit ; Vt omnibus post se secutúris demon

strarent deo semper fide recta oboedire . Obsecremus

ergo fratres karissimi . ut licet meritis coaequari illis non possumus ;

eorum intercessionibus in numero sanctorum confortes esse

mereamur in regnis cęlestibus . Largiente domino nostro

iesu christo . qui cum patre et spiritu sancto uiuiuit et regnat . in

secula seculorum . amen .

.lxi. DE PROPHETIS .

Hos sequitur electio prophetarum . cum quibus locutus

est dominus . et ostendit illis secreta sua . ut ea quę

uentura erant quasi presentia spiritu sancto inluminati ag

noscere atque enuntiare potuerunt . principes popu

lorum uentura predicando facti ; alii in utero . alii iN

puerítia ; alii in iuuentúte atque illi in senectúte . deo

cógniti et sanctificati inuenti sunt . Fide pleni . deuotio

ne summi ; industria solertes . excellentes ingenio ;

in exercitátiónibus disciplinae strícti . in sancta meditatio

ne assidui . metúque mortis intrepidi . Multi quoque

ex eis miraculorum signis effulsere ; hominum imfir

mitates curabant . mortuorum corpora resuscitabant .

christi uero per uirginem natiuitatem atque passionem uel