Pembroke 25 sermon44

qui cotidie assisto ante deum . Et hęc missus sum loqui ad te et ibi

euangelizare . Sed eris tacens et non poteris loqui . usque in

diem quo haec fiant . pro eo quod non credidisti uerbis meis . quę

quidem inplebuntur in tempore suo . Sed dum hęc sibi inuicem

conloquerentur . Erat omnis multitudo populi foris expec

tans zachariam . et mirabantur . quod ipse moraretur ín templo .

Quod postea sic factum est . intrauit quidem zacharias tacens in

domum suam . Et concępit elizabeth filium in senectute sua . et

peperit eum iuxta tempus pariendi . Et audierunt uicini et cog-

nati eius . quia magnificauit dominus misericordiam suam cum illa . et con-

gratulabantur ei . Et uenerunt octauo die circumcidere pue-

rum . et uocabant nomine patris sui zachariam . Et dixit mater

eius . Nequaquam . sed uocabitur iohannes . Et dixerunt ei .

Nemo est in cognatione tua qui uocetur hoc nomine . Innue-

bant autem patri eius . quem uellet uocari eum . et postulans pugil-

larem . scripsit dicens . Iohannes . nomen eius . Et mirati sunt

uniuersi consensum amborum parentum . de nomine pueri .

Et apertum est ilico os zacharie et lingua eius . et loquebatur recte .

benedicens deum . Et posuerunt omnes qui audierant omnia

uerba hęc in corde suo dicentes . Quid putas puer iste

erit? Ac si dicerent . Magnus enim erit coram domino . et gratia

eius fiet ín eo . Et zacharias pater eius statim impletus est spiritu sancto .

et prophetauit dicens . Benedictus dominus deus israel . quia uisitauit

et fecit redemptionem plebis sue . Puer autem crescebat et con-

fortabatur ín spiritu prophetie . nimirum . gratia enim dei erat cum illo .

Hodie igitur natalem sancti iohannis fratres fratres] corr. from fratris karissimi diem cęlebramus

ac ueneramur . quod nulli umquam sanctorum legimus fuisse con

cessum . Solius enim domini . et beati iohannis dies natiuitatis